39 vjet nga vdekja e ”Mbretit të Rock and Roll-it” 39 vjet nga vdekja e ”Mbretit të Rock and Roll-it”
Mbreti i muzikës rock&roll, konsiderohet si një ndër figurat kulturore më të shquara të shekullit të 20 Elvis Presley ka lindur më 8 janar... 39 vjet nga vdekja e ”Mbretit të Rock and Roll-it”

Mbreti i muzikës rock&roll, konsiderohet si një ndër figurat kulturore më të shquara të shekullit të 20

Elvis Presley ka lindur më 8 janar 1935 në Tupleo, dhe ka vdekur më 16 gusht 1977 në Memphis në moshën 42 vjeçare.

Ai konsiderohet si një ndër figurat kulturore më të shquara të shekullit të 20, dhe njihet edhe si “Mbreti i Rock and Roll-it” .

Sex simboli, që adhurohej nga femrat me vite kishte luftuar me shëndetin nga varësia që kishte si pasojë e përdorimit të drogës.

Karrierën e tij, Elvis e kishte filluar në vitin 1954. Zbuluesi i talentit të tij ishte themeluesi i Sun Records, Sam Phillips. Elvis kishte ardhur në studio për të kënduar një këngë për ditëlindjen e nënës së tij.

Pak kohë pas kësaj, ai ka realizuar singlin “That’s All Right” i cili menjëherë është bërë hit. Ai ka marr pjesë në shumë emisione televizive dhe në radio, kurse mënyra e vallëzimit dhe lëvizjet e tij shumë shpejt janë bërë mjaft tërheqëse tek gjinia femrore.

Për herë të parë ka debutuar në film në vitin 1956, në filmin “Love Me Tender”. Ai ishte këngëtari i parë, koncerti i së cilit (Aloha from Hawaii në 1973) është transmetuar në më shumë se 40 shtete të botës.

Presley ka qenë 14 herë i nominuar për çmimin Grammy, dhe ka fituar tri çmime Grammy për vepër jetësore. Falë suksesit të madh në showbiz, Elvis ka fituar miliona, ka shpenzuar shumë, dhe për këtë arsyeje pak para vdekjes kishte bankrotuar. Trashëgimtarja e pasurisë së tij ishte Lisa Marie Prestley.