Këto janë vendet me nivelin më të lartë të papunësisë në BE Këto janë vendet me nivelin më të lartë të papunësisë në BE
Papunësia në eurozonë bie në shkallën më të ulët që nga viti 2008. Niveli i papunësisë në eurozonë ka shënuar rënie, pavarësisht shqetësimeve mbi... Këto janë vendet me nivelin më të lartë të papunësisë në BE

Papunësia në eurozonë bie në shkallën më të ulët që nga viti 2008. Niveli i papunësisë në eurozonë ka shënuar rënie, pavarësisht shqetësimeve mbi mosmarrëveshjet për tregtinë botërore. Niveli prej 7.5% është parë për herë të fundit para krizës financiare të vitit 2008, shkruan Deutche Welle, transmeton Gazeta Blic.

Papunësia në eurozonë ka rënë në 7.5% në muajin Maj, nivel ky më i ulëti i regjistruar që nga korriku i vitit 2008, raportoi të hënën agjencia evropiane e statistikave Eurostat.

Të dhënat treguan se numri i të papunëve në 19 vendet përdoruese të monedhës euro ishte 12.3 milion. Shkalla e papunësisë për të 28 shtetet anëtare të BE-së ishte 6.3% në maj 2019, 6.4% në prill, ndërsa 6.9% në Maj 2018. Ky është edhe niveli më i ulët që kur është filluar të mblidhen të dhënat brenda bllokut në vitin 2000.

Republika Çeke (2.2%), Gjermania (3.1%) dhe Holanda (3.3%) kishin shkallën më të ulët të papunësisë në BE. Nivelin më të lartë të papunësisë del ta ketë Greqia (18.1% në mars 2019), Spanja (13.6%) dhe Italia (9.9%). Pavarësisht nivelit të lartë të papunësisë në Greqi dhe Spanjë, të dyja vendet patën rënie në shkallën e papunësisë prej 2%, krahasuar me periudhën e njëjtë të vitit të kaluar.

Shkalla e papunësisë së të rinjve në maj të vitit 2019 mbeti e lartë, me 14.3% në të 28 shtetet anëtare të BE-së dhe 15.7% në pjesën më të vogël të eurozonës, krahasuar me 15.1% dhe 17.0%, respektivisht në maj 2018.

Shkalla më e ulët e papunësisë së të rinjve ishte regjistruar në Gjermani (5.1%) dhe në Holandë (6.3%), ndërsa më e larta ishte regjistruar në Greqi (40.4% në Mars 2019), Spanjë (31.7%) dhe Itali (30.5%), ku të rinjtë u goditën nga kriza globale financiare e vitit 2007-2008)./Gazeta Blic