Kloppi e përmend finalen e vitit 2005 para ndeshjes në Superkupë, ka këtë krahasim Kloppi e përmend finalen e vitit 2005 para ndeshjes në Superkupë, ka këtë krahasim
Sonte në Stamboll do të zhvillohet një ndër ndeshjet më kryesore të klubeve sa i përket trofeve evropian. Liverpooli dhe Chelsea do të mundohen... Kloppi e përmend finalen e vitit 2005 para ndeshjes në Superkupë, ka këtë krahasim

Sonte në Stamboll do të zhvillohet një ndër ndeshjet më kryesore të klubeve sa i përket trofeve evropian.

Liverpooli dhe Chelsea do të mundohen ta bëjnë për vete trofeun e Superkupës së Evropës, kur do të takohen me fillim në ora 21:00 në stadiumin e Besiktasit.

Para takimit ka folur trajneri i The Reds, Jurgen Klopp, i cili ka kujtuar suksesin e vitit 2005 të klubit që arriti në qytetin turk duke e mposhtur në finale të Ligës së Kampionëve skuadrën e Milanit.

“Unë e di se sa i veçantë është Stambolli për Liverpoolin dhe çfarë mbështetje ka. Askush nuk do ta harrojë 2005-tën, por ne jemi njerëz të ndryshëm, ne nuk jemi të njëjtë – ne jemi ekipi i 2019/20 – shumë të mirë!”

“Stambolli është një vend i shkëlqyeshëm për futbollin, unë kam luajtur këtu një herë për Dortmundin dhe atmosfera ishte e shkëlqyeshme. Ka një komunitet të madh të mbështetësve të Liverpoolit këtu në Turqi dhe kjo e bën atë të veçantë edhe për ne. Ne jemi të freskët, duam të luajmë dhe shpresojmë se mund ta bëjmë atë një vend të veçantë edhe për këtë grup”, tha gjermani.

Liverpooli sezonin e kaluar triumfoi në finalen e Ligës së Kampionëve kundër Tottenham Hotspur me rezultat 2-0.